معاناتي مع تراكم الشمع لها سنتين وانا كل مانسدت اذني رحت للمستشفيات حكومي وخاص واذكر مره وانا بحاله يرثى لها ومانمت بسبب الشعور المخيف اللي يحس فيه الواحد لما تنسد اذنه وكأنه ماهو عايش في الحياه رحت لمستوصف حكومي قعد الدكتور يتفلسف عليا ساعه ويعطيني نصايح انه لازم ماانظف اذني بالاعواد القطنيه وانها السبب بهذا كله وانا بعمري بحياتي مانظفت فيها وكلمني عن فوائد الزيت زيتون وكأن اللي قدامه جايه من العصور الوسطى وماهي فاهمه شي يعني مثلا حتى ولو الواحد في البدايه ماهو فاهم الوضع بس لما يعيش المعاناه محد يفهم حالته قده واخر الهرجه يقولي ماعندنا ادوات تنظيف الاذن وخذي قطره لمدة ثلاث ايام ؟! رحت بعدها علطول للخاص اللي ضخوا بإذني بإبره كبيره مويه من الصنبور نظف اذني بالطريقه اللي تخليك تزورهم سنويا والمعدات مشكوك بوضعها والممرضه وسخه ماتعقم الا وانت على راسها وتتكلم معك بشوفة نفس وحقاره بعد هذا كله حاولت ادور على حلول ثانيه تغنيني عن الحاله المزريه هذي ولقيت هذا المنتج اشتريته اعتقد من 3 شهور وتوني استخدمته بعد مانسدت اذني وانا كنت متشائمه وفاقده الامل بسبب الله يسامحها صاحبت التعليق اللي تقول فيه انه مافادها المهم خليت اختي تسويها لي بعد مالينت اذني بالقطره لمدة يوم اللي موجوده برضوا هنا بموقع اي هيرب المفروض 3 ايام المهم بعدها حطيت المحلول اللي موجود مع المنتج لمدة عشر دقايق وسكرت اذني بالسداده اللي مع المنتج عشان يفضل المحلول بالاذن وعبت اختي الابره بمويه دافيه نظيفه وضختها بإذني وانا بوضعية الجلوس اول مره ماطلع شي عبينا الابره مره ثانيه وبعدها نزلت قطعة الشمع الكبيره اللي كانت ساده اذني والحمدالله صرت اسمع وحسيت اني احلم وماني مصدقه اتمنى يكون تعليقي فادكم وشكرا
