من حوالي سنه كنت قريت مقاله بتتكلم عن صحة جزيء داخل العين اسمه macula ودا مسئول عن لون العين في الاساس وعن حمايتها من الاشعه الزرقاء اللي بتخرج من شاشات الموبيل والتلفزيون وما شابه.
وان ازاي الجسيم ده مع التقدم في العمر والأكثار من مشاهدة الشاشات الالكترونيه بيضعف وقدرته على الحمايه بتقل وبالتالي في الحالات الشديده ممكن يحصل فقد للنظر وان احد الوسائل اللي ممكن تقلل من حدوث المشكله دي أو تعمل تحسن في حالات معينه هو استهلاك اللوتين مع الزيناكسين بشكل يومي لمدة سنه في جرعة ١٠ مجم للأول و٢ مجم للثاني.
طبعا الجرعه هنا الدبل ومعنديش علم ان كان ليها تأثير احسن او لأ، انا اشتريت من سنه ٣ شركات مختلفه منها تركيبه كانت بتحتوي على عناصر اكثر مع اللوتين والزناكسين بنفس التركيز اللي موجود هنا، الوحيد اللي فرق معايا في موضوع جفاف العين( انا اساسا اشتريته وانا معنديش مشاكل بس لغرض الحمايه) كان النوع ده لدرجة اني تقريبا وقفت استخدام قطرة الدموع الطبيعيه، دا تاني شراء لي وفضلت اني اخد الحجم الأكبر من العبوه
باخد حبه واحده يوميا بعد الاكل لان امتصاصه بيبقي احسن مع الاكل
